تجربتي مع جوجل ادسنس adsense
أولا الربح من أدسنس
هتكلم في الموضع ده عن تجربتي الشخصيه
مع جوجل ادسنس adsense :
في البدايه بدأت العمل علي اكتر من مدونه منها
مدونه عن التقنيه اسمها تامر للتكنولوجيا
ومدونه تانيه النيتش بتاعها قصص قصيره حصريه 100% اسمها روايات وقصص
واكثر من مدونه وكنت في البدايه معنديش اي معلومه عن انشاء مدونه كامله
عموما بدأت واشتريت دومين مدفوع وقدمت علي طول لادسنس اترفضت علي طول
بسبب المستودع القيم لا يوجد وبعد كده بعد البحث والسؤال
عرفت ان في حاجات كتير مهمه لازم تتوفر في المدونه قبل التقديم لادسنس منها
1- الصفحات : وهي عباره عن اساسيات المدونه وهي صفحات من نحن ؛ سياسه الخصوصيه ؛ اتصل بنا
وبعض الصفحات الثانيه
2 - عدد المقالات لا يقل عن 10 مقالات ويكون عدي علي انشاء المدونه حاليا شهر في السابق اكتر من 3 شهور
3 - تظبيط الاعدادات واعداد ملف robots.txt ؛ ملف ads.txt
4 - القالب :بعد كده هتقابلنا نقطه تانيه مهمه وهيا القالب المستخدم وده بيختلف حسب النيتش اللي هتشتغل عليه
وفيه قوالب مجانيه وقوالب مدفوعه اهم حاجه في اختيار القالب انه يكون سريع ومتجاوب علي
اجهزه المحمول والكمبيوتر وميكونش فيه اضافات كتير تتقله
5- الكلمات المفتاحيه : وهيا الكلمات اللي بيبقا عليها بحث كتير علي الانترنت في وقت كتابه المقاله
ودي بتدي عدد زوار كتير للموقع لما بتختار كلمات مفتاحيه مطلوب البحث عنها في الوقت اللي شاركت المقاله
ويعد ما تظبط كل شغلك هتقابلك نقطه التقديم لادسنس وانتظار الموافقه وتفعيل عرض الاعلانات علي المدونه
وبالنسبه ليا حتي الان المدونه لم تقبل علي ادسنس واخر رد بسبب جائحه كورونا
ولكن تم قبول المتجر الخاص بيا علي ادسنس تامر للتسوق وبعدها بيوم تم تقييد الاعلانات للمراجعه
وبعد مرور شهر تم تفعيل الاعلانات علي الموقع وجاري متابعه ما يستجد
وشكرا لكم وارجو ان أكون افدت
وللأضافه أنشأت مدونه مختصة بالتعليم ( تعليم ومناهج حديثه ) واستخدمت فهيا قالب سيو بلس المجاني
ومقالات كانت في حدود 8 مقالات وفيها بعض المقالات اعادة صياغة ومقالات حصرية بعد التقديم في حدود اسبوع تم الموافقة عليها ونزلت عليها الأعلانات .
ودي صوره للمدونة
تعليقات
إرسال تعليق